ওপৰৰ পৰা সৰা টেকেলীত
এশটা ভেকুলী কেনেকৈ থাকে??
“কঁঠাল” খাই পোৱাজনে বাৰুকৈৱে বুজে
“বিচনী”খন ঘুৰাই ঘুৰাই ভেবেলাই ভাবে
এঠেঙীয়া বগলীয়ে গধুলিহে কিয় নাচে??
এডাল খেৰ বেৰা ঘৰটোত
“মমডাল” জলাই ললো;
উপি উপি বাটত চুপি থকা “জোকক”
নিমখ দি মাৰিলো।
পেট আছে পেটু নাই,
মুখ আছে জিভা নাই;
পিয়াহত ডিঙি শুকাই গৈছে
“কলহত” পানী নাই।।
য’লৈ যোৱা মোক লগত লৈ যোৱা
মইযে তোমাৰ “ছায়া”;
ঘৰৰ ভিতৰত ঘৰ, তাতে পৰি মৰাতকৈ
“আঠুৱা” টানি লোৱা।।
No comments:
Post a Comment